LIC Western Zone Zonal Managers Trophy 2026 चा मानाचा सन्मान! प्रशांत तुकाराम ऊबाळे यांच्या शिरपेचात मानाचा तुरा; कवाडे साहेबांच्या हस्ते ट्रॉफी प्रदान!

दिनप्रभा माढा प्रतिनिधी श्री अशोक शिंदे : भारतीय आयुर्विमा महामंडळाच्या (LIC) Western Zone अंतर्गत प्रतिष्ठेची ‘Zonal Managers Trophy 2026’ मिळवून प्रशांत तुकाराम ऊबाळे यांनी उल्लेखनीय यश संपादन केले आहे. सीनियर ब्रांच मॅनेजर आदरणीय कवाडे साहेब यांच्या हस्ते त्यांना ही मानाची ट्रॉफी प्रदान करून गौरविण्यात आले.
अत्यंत दुष्काळी आणि कठीण परिस्थितीमध्येही ग्राहकांचा विश्वास संपादन करत प्रशांत ऊबाळे यांनी ही उल्लेखनीय कामगिरी केली आहे. विविध विभागांतील ग्राहकांनी त्यांच्यावर दाखवलेला विश्वास, सहकार्य तसेच मोठ्या प्रमाणात केलेल्या एकरकमी फिक्स्ड डिपॉझिटमुळे या यशाला विशेष महत्त्व प्राप्त झाले आहे.
या सन्मानाबद्दल आनंद व्यक्त करताना प्रशांत तुकाराम ऊबाळे यांनी आपल्या यशाचे श्रेय ग्राहकांना आणि सहकार्य करणाऱ्या सर्व मान्यवरांना दिले. प्रतिकूल परिस्थितीतही माझ्यावर विश्वास ठेवून साथ देणाऱ्या सर्व ग्राहकांचे मनापासून आभार. आपले प्रेम, विश्वास आणि सहकार्य हेच माझ्या यशामागील खरे बळ आहे, अशी भावना त्यांनी व्यक्त केली.
ग्राहकांशी जपलेले विश्वासाचे नाते, सातत्यपूर्ण प्रयत्न आणि कामाप्रती असलेली निष्ठा यामुळे प्रशांत ऊबाळे यांच्या कामगिरीला हा सन्मान मिळाला आहे. त्यांच्या या यशाबद्दल सर्व स्तरांतून अभिनंदन आणि कौतुकाचा वर्षाव होत आहे.
LIC Western Zone Zonal Managers Trophy 2026 मिळविल्याबद्दल प्रशांत तुकाराम ऊबाळे यांचे हार्दिक अभिनंदन आणि पुढील वाटचालीस शुभेच्छा!
माढा तालुका प्रतिनिधी : श्री. अशोक शिंदे
दिनप्रभा प्रतिनिधी
खुलासा : ही बातमी उपलब्ध करून दिलेल्या माहितीच्या आधारे तयार करण्यात आली आहे. बातमीमध्ये तथ्यात्मक त्रुटी किंवा काही आक्षेप असल्यास वाचकांनी dinprabhanews@gmail.com या ई-मेलवर कळवावे. दिनप्रभा न्यूज योग्य पडताळणी करून आवश्यक ती दुरुस्ती करेल.
टीप : बातमीसोबत वापरण्यात आलेले AI निर्मित ग्राफिक्स असल्यास ते केवळ प्रातिनिधिक स्वरूपाचे असतील.




