Gamesक्रीडाग्रामीण महाराष्ट्रमाढास्थानिक बातमीस्पोर्ट्स

नवभारत विद्यालय, दारफळच्या विद्यार्थ्यांची  क्रीडा स्पर्धा २०२६ मध्ये  यशस्वी घोडदौड!

जिल्हास्तरीय स्पर्धेसाठी अनेक विद्यार्थ्यांची निवड; धावणे, लांब उडी आणि तिहेरी उडीत उल्लेखनीय कामगिरी

दारफळ, ता. माढा | दिनप्रभा प्रतिनिधी

महाराष्ट्र राज्य क्रीडा परिषद अंतर्गत माढा तालुका पंचायत समिती शिक्षण विभागाच्या वतीने आयोजित तालुका क्रीडा स्पर्धा २०२६ मध्ये शिक्षण प्रसारक मंडळाच्या नवभारत विद्यालय, दारफळ येथील विद्यार्थ्यांनी विविध क्रीडा प्रकारांत उल्लेखनीय कामगिरी करत विद्यालयाच्या यशात भर घातली आहे. या स्पर्धेत विद्यार्थ्यांनी मिळवलेली पदके आणि जिल्हास्तरीय स्पर्धेसाठी झालेली निवड यामुळे विद्यालयाच्या क्रीडा क्षेत्रातील प्रगती अधोरेखित झाली आहे.

१७ वर्षांखालील वयोगटात विद्यार्थ्यांची चमकदार कामगिरी

१७ वर्षांखालील वयोगटात दिग्विजय दिलीप गोडगे याने लांब उडीत प्रथम क्रमांक, तिहेरी उडीत द्वितीय क्रमांक आणि ४०० मीटर धावण्याच्या स्पर्धेत तृतीय क्रमांक मिळवला. त्याची जिल्हास्तरीय स्पर्धेसाठी निवड झाली आहे.

निलेश मालोजी उबाळे याने लांब उडीत द्वितीय क्रमांक पटकावला असून त्याचीही जिल्हास्तरीय स्पर्धेसाठी निवड झाली आहे. वैभव संभाजी जाधव याने ३००० मीटर धावण्याच्या स्पर्धेत तृतीय क्रमांक मिळवला.

वेदांत सत्यवान गोडगे याने ५००० मीटर चालण्याच्या स्पर्धेत प्रथम क्रमांक मिळवून जिल्हास्तरीय स्पर्धेत प्रवेश मिळवला. शुभम लक्ष्मण जाधव याने याच प्रकारात द्वितीय क्रमांक पटकावला असून त्याचीही जिल्हास्तरीय स्पर्धेसाठी निवड झाली आहे.

१४ वर्षांखालील वयोगटातही यश

१४ वर्षांखालील वयोगटात श्रेयस ज्ञानेश्वर धांडे याने ४०० मीटर धावण्याच्या स्पर्धेत द्वितीय क्रमांक मिळवला. तसेच ६०० मीटर धावण्याच्या स्पर्धेत तृतीय क्रमांक पटकावला.

महेश रमेश पवार याने ४०० मीटर धावण्याच्या स्पर्धेत तृतीय क्रमांक मिळवून आपली क्रीडा गुणवत्ता सिद्ध केली.

मुलींचीही पदकांची कमाई

मुलींच्या गटात १७ वर्षांखालील वयोगटात अक्षरा राजकुमार उपाध्ये हिने १०० मीटर अडथळा शर्यतीत द्वितीय क्रमांक मिळवला. वैष्णवी महेश बारवोले हिने १०० मीटर धावण्याच्या स्पर्धेत तसेच तिहेरी उडीमध्ये द्वितीय क्रमांक पटकावला. या दोघींचीही जिल्हास्तरीय स्पर्धेसाठी निवड झाली आहे.

१४ वर्षांखालील वयोगटात श्रेया जगन्नाथ शिंदे हिने लांब उडीत द्वितीय क्रमांक मिळवून जिल्हास्तरीय स्पर्धेसाठी पात्रता मिळवली. आरती अण्णासाहेब शिंदे हिने सहाशे मीटर धावण्याच्या स्पर्धेत तृतीय क्रमांक मिळवला.

विद्यार्थ्यांच्या यशाबद्दल अभिनंदन

तालुका क्रीडा स्पर्धेतील या यशामुळे नवभारत विद्यालय, दारफळच्या क्रीडा क्षेत्रातील वाटचालीला नवी प्रेरणा मिळाली आहे. विद्यार्थ्यांच्या मेहनतीसोबतच त्यांना मार्गदर्शन करणाऱ्या शिक्षकांचे योगदानही महत्त्वाचे ठरले आहे. जिल्हास्तरीय स्पर्धेसाठी निवड झालेल्या विद्यार्थ्यांकडून पुढील स्तरावरही चांगल्या कामगिरीची अपेक्षा व्यक्त केली जात आहे.

सर्व यशस्वी विद्यार्थी, त्यांचे पालक आणि मार्गदर्शन करणाऱ्या शिक्षकांचे नवभारत विद्यालय, दारफळच्या वतीने अभिनंदन करण्यात आले असून आगामी स्पर्धांसाठी त्यांना शुभेच्छा देण्यात आल्या आहेत.

श्री अशोक शिंदे (दिनप्रभा प्रतिनिधी माढा )

Related Articles

Back to top button