पदवीधर मतदार संघपुणे शिक्षक मतदार संघमहाराष्ट्र राजकारणराजकीय

विधानपरिषदेसाठी भाजपकडून उमेदवारी जाहीर! पुणे पदवीधरमधून डॉ. स्मिता जाधव मैदानात

मुंबई दिनप्रभा प्रतिनिधी : महाराष्ट्र विधान परिषद निवडणुकीसाठी भारतीय जनता पक्षाने आपल्या उमेदवारांची अधिकृत घोषणा केली आहे. भाजपच्या केंद्रीय निवडणूक समितीने ४ ऑक्टोबर २०२६ रोजी जाहीर केलेल्या यादीत पुणे विभाग पदवीधर मतदारसंघातून डॉ. स्मिता योगेश जाधव यांना उमेदवारी देण्यात आली आहे.

पुणे पदवीधर मतदारसंघातील उमेदवारीसाठी गेल्या काही दिवसांपासून भाजपमध्ये चर्चा सुरू होती. अखेर पक्षाने डॉ. स्मिता जाधव यांच्या नावावर शिक्कामोर्तब केले आहे. त्यांच्या उमेदवारीमुळे पुणे विभाग पदवीधर मतदारसंघातील निवडणुकीला आता अधिकृतपणे वेग आला आहे.

भाजपने महाराष्ट्रातील विधान परिषद निवडणुकीसाठी तीन उमेदवारांची घोषणा केली आहे. पुणे विभाग पदवीधर मतदारसंघातून डॉ. स्मिता योगेश जाधव, नागपूर विभाग पदवीधर मतदारसंघातून सुधाकर विठ्ठलराव कोहळे आणि पुणे विभाग शिक्षक मतदारसंघातून कौस्तुभ मुरलीधर गावडे यांना उमेदवारी देण्यात आली आहे.

दरम्यान, या निवडणुकीसाठी उमेदवारी अर्ज दाखल करण्याची अंतिम तारीख ६ ऑक्टोबर २०२६ असून, ७ ऑक्टोबर रोजी अर्जांची छाननी होणार आहे. उमेदवारी अर्ज मागे घेण्याची अंतिम तारीख ९ ऑक्टोबर आहे. मतदान २३ ऑक्टोबर २०२६ रोजी होणार असून २७ ऑक्टोबर रोजी मतमोजणी होणार आहे.

पुणे विभाग पदवीधर मतदारसंघात डॉ. स्मिता जाधव यांच्या उमेदवारीनंतर आता इतर राजकीय पक्षांकडून कोणाला मैदानात उतरवले जाते, याकडे पदवीधर मतदारांचे लक्ष लागले आहे. पुढील काही दिवसांत निवडणुकीचे राजकीय चित्र अधिक स्पष्ट होण्याची शक्यता आहे.

दिनप्रभा न्यूज पोर्टल — सत्य, समाज, संस्कार

Related Articles

Back to top button